Este traballo ten como obxectivo a realización dunha serie
de puntos que teñen que ver coa busca, análise e división de artigos e sistemas
de representación, tanto gráficos coma xeográficos, referentes á organización e
dinámica das augas oceánicas.
Para isto debemos utilizar a fonte web www.boletinage.com, pertencente á Asociación de Xeógrafos Españois, na que debemos realizar a busca
dos artigos referentes ó tema xa comentado e dos que deberemos sacar os
sistemas de representación (gráficos ou cartográficos) que nos servirán para
realizar as distintas táboas que debemos plasmar neste traballo. Esta busca de
artigos debe comprender unha marxe cronolóxica baseada no século XXI; é dicir, que
a busca dos artigos que poidan axudar á realización deste traballo realizarase
nos artigos comprendidos entre os anos 2000 e 2012.
Logo desta busca débese realizar unha división por anos dos
artigos atopados, completando a táboa con información sobre os sistemas de
representación que se podemos atopar neses artigos. Con estas dúas buscas
conxuntas (primeiro a de artigos na fonte e logo a de sistemas de
representación dentro dos artigos) atopamos tamén a información necesaria para
a realización do que debería ser o seguinte punto, que debería estar
relacionado coa autoría dos artigos, debendo analizar a súa procedencia
(universidade, empresa, axencia de calidade, etc.) e explicando se existen
cambios na súa serie temporal ou se se manteñen os perfís.
Unha vez feita a busca e división dos artigos e a análise
referente á autoría dos artigos que nos serven para a realización do traballo,
deberemos levar a cabo unha división dos artigos segundo fagan referencia a un
espazo xeográfico concreto ou non, e en referencia ós distintos tipos de
sistemas de representación que conteñan os ditos artigos.
Este traballo terá así como obxectivo principal o traballar
con textos xeográficos que fagan referencia a distintos temas do espazo
xeográfico e saber traballar e distinguir os distintos tipos de sistemas de
representación que podemos atopar neles.
No hay comentarios:
Publicar un comentario